Pangingisda 

Ang Canada ay mayroong ng isa sa mga pinakamahalaga sa mundong industriya ng komersyal na pangingisda. Ang pangingisda (kabilang ang shellfish harvesting) ay bumubuo sa halos tatlong-kapat ng produksyon ng isda at pagkaing-dagat sa Canada.

Mabilis na umuunlad ang industriya ng pangingisda bilang tugon sa nagbabagong pangangailangan para sa mga produktong isda, mga gastos sa pagkuha ng lisensya sa pangingisda at quota, at nag-iiba-ibang dami ng isda.

Pagtatrabaho sa Pangingisda

Nagaganap ang pangingisda sa mga sasakyan sa pangingisda tulad ng mga longliner, dragger/trawler, gillnetter, seiner, at lobster boat. Pana-panahon ang trabaho, nangangailangan ng pisikal na lakas, at may kasangkot na mahaba, hindi regular na oras sa lahat ng uri ng panahon. Karaniwang binabayaran ang mga manggagawa sa isang sasakyan sa bahagi ng nahuli.

Maraming mga nangingisda ang may-ari/nagpapatakbo: pagmamay-ari nila at pinapatakbo ang kanilang mga sariling bangka at pinamamahalaan ang kanilang sariling mga negosyo ng pangingisda. Kasama sa kanilang trabaho ang pagpapatakbo at pagpapanatili sa sasakyan at gamit sa pangingisda, pagpaplano at direktang pagpapatakbo ng pangingisda, pangangasiwa sa mga miyembro ng tauhan, at pamamahala sa mga pagpapatakbo ng negosyo (pagkuha ng mga lisensya, pagmemerkado ng isda, pagpaplano at pagbabadyet). 

Ang mga Skipper ay kadalasang kinukuha bilang mga propesyonal na kapitan sa mga mas malaking bangka sa pangingisda. Pareho ang kanilang trabaho sa may-ari/nagpapatakbo ngunit direktang nakatuon sa pangingisda, at hindi sa mga tungkuling pangnegosyo.

Ang mga Deckhand ang naghahanda at naghahakot ng gamit, naglilinis o nag-iimbak ng isda, nagpapalit-palitan sa wheelhouse at nagpapatakbo sa makina at iba pang makinarya. Ang mga Bosun o trawlerman (karaniwang nakikita sa mga mas malaking bangka) ay may magkaparehong mga tungkulin ngunit mayroon ding mga responsibilidad sa pangangasiwa. Ang mga Engineer o cook ay maaari ring matagpuan sa mga mas malaking bangka.

Pana-panahon ang pangingisda. Maaaring magamit ng mga nangingisda ang kanilang kasanayan kapag hindi panahon sa pamamagitan ng pagtatrabaho sa konstruksyon, pagbuo ng bangka, pagproseso ng pagkain, at iba pang mga trabaho sa mga tugboat, ferry, at lugar ng aquaculture.  

Mga Kasanayan at Pagsasanay

Ang karamihan sa mga nangingisda ay nagsisimula bilang mga deckhand. Sa karagdagang pagsasanay, karanasan, at lisensya, posible ang pag-unlad sa iba pang mga posisyon  

Ayon sa tradisyon, natutunan ng karamihan sa mga nangingisda ang kanilang kahusayan sa trabaho sa mga kumpanyang pagmamay-ari ng pamilya o komunidad. Ngayon, nag-aalok ang mga kolehiyong pangkomunidad, unibersidad at mga programang may espesyalidad ng formal na pagsasanay sa mga aspetong panteknikal at pangnegosyo ng pangingisda. Mahalaga pa rin ang pagsasanay sa mismong trabaho sa pagsasama sa pormal na pagsasanay na ito. Mayroong mga propesyonal na pagpapatunay sa ilang mga lalawigan.