Information & Communications Technology

Ang Information and communications technology (ICT)/les technologies de l’information et des communications (TIC) ay nakikita sa bawat industriya sa ekonomiya—mula musika hanggang sa retail, at mula sasakyan hanggang healthcare. Ang mga pagsulong sa teknolohiya ay humantong sa mabilisang mga pagbabago sa mga paraan kung saan ang impormasyon ay nililikha, iniimbak, ibinabahagi at ginagamit. Ang teknolohiya ay patuloy na nagbubuo, malinaw na itinataas ang mga posibilidad ng mga karagdagang pagbabago at pagbuo ng mga bagong uri ng trabaho.

Ang sektor ng ICT/TIC ay binubuo ng mga kumpanya na gumagawa ng mga produkto o serbisyo na nagpoproseso, naghahatid o tumatanggap ng impormasyon. Kasama sa sektor ang mga kumpanya na nagbibigay ng mga serbisyo sa computer, mga gumagawa ng kagamitan sa impormasyon at pakikipag-ugnayan, at mga kumpanya na kabilang sa wholesale, pagpaparenta, o pag-upa ng mga nasabing kagamitan.

Pagtatrabaho sa Information & Communications Technology

Karamihan ng mga trabaho sa sektor ay nasa propesyunal, siyentipiko at teknikal na mga serbisyo. May mga trabaho rin sa paggawa, ang mga industriya sa impormasyon at pangkultura, pampublikong pamamahala, pampinansya at pangseguro, at iba pang mga industriya.

Ang karamihan sa lakas-paggawa ay nagtatrabaho sa maliliit hanggang sa di-kalakihang mga negosyo, bagama't may daan-daan o malalaking mga kumpanya sa ICT/TIC na nagpapatrabaho sa higit pa sa 500 tao. Ang mga sahod ay maaaring iba-iba depende sa trabaho at samahan.

Ang sektor ay may trabaho sa: 

• Software: mga software designer at engineer, multimedia programmer, applications programmer, technical architect, systems analyst
• Hardware: mga hardware designer, hardware engineer, electronics technician at technologist, hardware systems engineer 
• Technical, customer at marketing support: mga database developer at administrator, network engineer, web specialist, computer operator, technical writer, web/e-commerce developer, graphic designer at animator, help-desk representative 
• Edukasyon at pananaliksik: mga tagadisenyo ng laro, instructional designer, mga tagapagturo sa information technology 
• Iba pa: ang isang hanay ng mga trabaho sa ICT/TIC ay makikita sa maraming iba pang mga larangan tulad ng aerospace, biotechnology, paggawa, pag-record at paggawa ng musika, gamot, at marami pa.

Mga Kasanayan at Pagsasanay

Ang mga kolehiyong pangtrabaho, kolehiyong pangkomunidad at unibersidad sa buong Canada ay nag-aalok ng malawak na hanay ng mga programa sa pagsasanay sa ICT/TIC. Ang ilang mga kumpanya ng information technology (IT)/les technologies de l’information (IT) ay nag-aalok ng mga maiiksing kurso sa paggamit ng partikular na mga produkto at application.

Ang karamihan sa mga nagpapatrabaho ay naghahanap ng mga trabahador na may magkahalong kakayahan, kabilang ang pangunahing mga kakayahang pangteknikal, karanasan sa partikular na application, mga proseso ng platform at negosyo, kakayahan makipag-ugnayan, at mga kakayahang makipagtrabaho sa koponan.