زراعت

کینیڈین بنیادی زرعی شعبہ کینیڈا کی معیشت اور بین الاقوامی تجارت میں زبردست معاون ہے۔ کینیڈین کسان وسیع پیمانے کی فصلیں (اناج، تیل کے بیج، باغبانی والی مصنوعات، دالیں اور خاص فصلیں)، جانوروں کی مصنوعات (بڑے کا گوشت، خنزیر کا گوشت، ڈیری کی مصنوعات، پولٹری اور انڈے) اور ایکواکلچر والی مصنوعات (سالمن، گھونگھے) تیار کرتے ہیں۔

نئی ٹکنالوجیز اور صارفین کے بدلتے مطالبوں کے لحاظ سے اس شعبے میں زبردست تبدیلی آرہی ہے۔ غذائی تحفظ، پودے کی سالمیت اور ماحولیاتی ضوابط کی وجہ سے، نیز نئے پودے اور حیوانوں کی تولید کے طریقوں اور اعلی تکنیک والے آلات کی وجہ سے بھی اس ارتقاء پر زبردست اثر پڑتا رہا ہے۔

یہ شعبہ ٹھوس انداز میں ہم آہنگی اختیار کر رہا ہے تاکہ یہ بدستور مقابلہ آراء رہے اور آپ کے عالمی بازاروں میں نمو پاتا رہے۔ کینیڈا جتنی غذا پیدا کرتا ہے اس کا قریب نصف حصہ برآمد کردیتا ہے اور وہ جتنی غذا صرف کرتا ہے اس کا تقریباً نصف حصہ درآمد کرتا ہے - اس طرح یہ دنیا کے ان ممالک میں سے ایک ہے جو زرعی تجارت پر کافی زیادہ منحصر ہیں۔

زراعت میں کام کرنا

پیداوار کی نوعیت اور جغرافیائی محل وقوع کے لحاظ سے، فارم کا سائز پورے ملک میں قابل غور حد تک الگ الگ ہے۔

آجروں میں کھیتی باڑی کے بنیادی کم اور امدادی خدمت فراہم کنندگان شامل ہیں۔

کلیدی پیشوں میں شامل ہیں:

• زرعی پیداوار: کسان اور فارم کے منیجرز، نرسری اور سبزہ اگانے والے افراد اور کارکنان، فارم کے نگراں اور مزدور اور مویشی کارکنان
• فارم کی تحقیق اور امدادی خدمات (Farm research and support services): فارم کی دیکھ بھال سے متعلق صلاحکاران، مٹی اور فصل کے ماہرین، چارہ اور پولٹری کے ماہرین، مویشی ڈاکٹر، ماہرین زرعی حیاتیات اور ماہرین کاشتکاری۔

ہنر اور تربیت

یوں تو زیادہ تر بنیادی زرعی پیشوں کے لئے ہائی اسکول سے زیادہ تعلیم کی ضرورت نہیں ہوتی ہے، مگر متعدد موضوعات میں تعلیمی اور تربیتی پروگرام دستیاب ہیں۔ کچھ آجرین کھیتی باڑی کا محدود تجربہ رکھنے والے کارکنان کو بحال کریں گے اور دوران ملازمت تربیت فراہم کریں گے۔ امکانی ملازمین کے لئے ضروری ہے کہ زراعت میں اور بیرونی طور پر کام کرنے میں دلچسپی کے حامل ہوں۔ میکینکس اور کمپیوٹر کی معلومات سود مند ہے۔ نگرانی اور فارم کی دیکھ بھال کے عہدوں تک ترقی حاصل کرنے کے لئے متعلقہ تعلیم اور فارم کے سلسلے میں تجربہ بھی درکار ہوسکتا ہے۔

ملک بھر میں پھیلے کالج اور یونیورسٹیاں زراعت، علم اشجار، علم حیوانات، فصل اور چارے کی تیاری، انجینئرنگ ، زرعی کاروبار کا نظم و نسق اور متعلقہ شعبوں میں بہت سارے پروگرام پیش کرتی ہیں۔ بہت سارے پروگرام عملی تربیت فراہم کرتے ہیں۔ بہت سارے پیشوں (پھل اگانے والے، ڈیری کے گلہ بان، آلات کے تکنیکی ماہرین، وغیرہ) کے لئے اپرنٹس شپس  بھی دستیاب ہیں۔